Hafði það „að markmiði að drepa fólk“

Lögreglan í Oxford í Michigan-ríki segir unglinginn sem myrti fjóra á föstudag í menntaskóla, ekki hafa sýnt neina miskunn og að hann hafi farið í skólann með það „að markmiði að drepa fólk“.

Frétt af mbl.is

Þrír nemendur látnir eftir skotárás

Árásamaðurinn, hinn 15 ára Ethan Crumbley, tók myndband af sér daginn fyrir árásina þar sem hann sagðist ætla að fara í skólann og skjóta fólk. Crumbley setti myndbandið þó ekki á internetið og hefði lögreglan því ekki getað vitað af árásinni að hennar sögn.

„Það er greinilegt að hann fór í skólann í þeim tilgangi að drepa fólk. Hann skaut fólk af stuttu færi, oft í átt að höfðinu eða bringunni,“ er haft eftir lögreglustjóranum Michael Bouchard.

Hafði ekki áður komið við sögu lögreglu

Á fimmtudaginn eftir hádegi hafði Crumbley með sér hálf­sjálf­virka skamm­byssu er hann yfirgaf salernið og hóf skothríð í menntaskólanum. Alls skaut hann um 30 skotum.

Fjórir létust í árásinni, á aldrinum 14 til 17 ára. Sex aðrir nemendur særðust og einn kennari. 

Crumbley hafði ekki áður komið við sögu lögreglu og ekki verið til vandræða í skólanum. 

• Blogga um frétt