Rohingjar hafa höfðað mál gegn Facebook þar sem krafist er 150 milljarða dala í bætur. Samfélagsmiðillinn er sakaður um að stemma ekki stigu við hatursorðræðu á síðum sínum og ýta þar með undir ofbeldi gegn þessum viðkvæma minnihlutahópi.

Málið var höfðað fyrir dómstóli í Kaliforníu. Fram kemur að algrímið á bak við Facebook ýti undir falsfregnir og öfgahyggju sem leiði til ofbeldis í raunheimum.

„Facebook er eins og vélmenni sem hefur eitt markmið: að stækka,“ sagði í dómsskjölum.

„Raunveruleikinn er sá að vöxtur Facebook, studdur af hatri, sundrungu og röngum upplýsingum, hefur skilið eftir sig sviðna jörð hjá hundruðum þúsunda rohingja.”

Múslimarnir hafa orðið fyrir miklu aðkasti í Mjanmar þar sem þeir eru óvelkomnir þrátt fyrir að margar kynslóðir þeirra hafi búið í landinu.  

Krafist er 150 milljarða dala. AFP

Tengdar fréttir

Rohingjar á flótta

Bátur með 180 Róhingjum á reki í meira en mánuð

• Fundu 14 lík á ströndinni
• Bandaríkin segja Mjanmar hafa framið þjóðarmorð
• Þaggað niður og falið í skugga skammar
• 15 látnir og 400 saknað

» Fleiri tengdar fréttir

• Blogga um frétt