Þúsundir mótmæla í Svíþjóð og Finnlandi
Setja bókamerki
Stórir hópar fólks kom saman til að mótmæla bólusetningapössum í Stokkhólmi og Gautaborg í dag. Á sama tíma söfnuðust þúsundir saman í Helsinki til að mótmæla takmörkunum á samkomur.
Finnsku mótmælendurnir gengu frá ráðhústorgi Helsinki og að aðaljárnbrautarstöð borgarinnar. Skipuleggjendur sögðu að ætlunin væri að mótmæla, meðal annars, bólusetningaskyldu í heilbrigðis- og velferðarþjónustunni, bólusetningu barna og bólusetningapassanum.
Frelsi í stað bólusetningapassa
Sænsku mótmælin snerust aðallega um bólusetningapassann en þeir níu þúsund mótmælendur sem komu saman í Stokkhólmi sungu: „Já við frelsi, nei við bólusetningapössum!“
Bólusetningapassar hafa verið í notkun í Svíþjóð frá því í byrjun desember og er skylda að framvísa þeim þegar fleiri en fimmtíu koma saman innanhúss.
Lögreglan í Stokkhólmi hafði áhyggjur af því að til átaka gæti komið á milli nýnasista og andstæðinga þeirra. Einhverjir báru merki nýnasistahreyfinga en mótmælin voru að mestu leyti friðsöm.
Á sama tíma söfnuðust um fimmtánhundruð manns saman í Gautaborg í friðsamlegum mótmælum.
Frétt finnska ríkisútvarpsins um málið
Frétt sænska ríkisútvarpsins um málið
Tveir í bílnum sem lenti utan vegar
Sex hafa greinst með listeríu
„Umsátursástand“
Skar höfuðleðrið af íslenskri konu
Vélsleðaslys: Þyrlan kölluð út á mesta forgangi
Banna mengandi búnað sem leyfður er á Íslandi
Skemmtiferðaskip hætt komið nærri Viðey