913 greindust smitaðir af kórónuveirunni í Færeyjum í gær en aldrei hafa fleiri greinst jákvæðir á einum degi þar í landi.
Hlutfall jákvæðra smita af teknum prófum var einstaklega hátt eða 23,34% af þeim sýnum sem voru tekin. Þetta kemur fram á vef Kringvarpsins.
Færeyska stjórnin tilkynnti á föstudaginn fyrirætlanir um að aflétta öllum takmörknunum vegna faraldursins fyrir lok febrúarmánaðar.
„Ég held að það sé þýðingarmikið að fólk viti að við ætlum að snúa aftur til venjulegs hversdagsleika,“ sagði Bárður á Stieg Nielssen lögmaður Færeyja við það tilefni.
Rétt rúmlega 50 þúsund manns búa á eyjunum, svo að smitfjöldinn jafngildir tæplega 6500 smitum á einum degi á Íslandi, ef miðað er við um 370 þúsund manna íbúafjölda hér á landi.