Bandarískt sjúkrahús hefur tekið karlmann af lista yfir þá sem geta fengið hjartaígræðslu, að minnsta kosti að hluta til vegna þess að hann er ekki bólusettur gegn Covid-19.

Brýn þörf er á því að DJ Ferguson, sem er 31 árs, fái nýtt hjarta en sjúkrahúsið í Boston tók hann af listanum sínum, að sögn föður hans, David.

David sagði að bólusetning gegn Covid gangi gegn grundvallargildum sonar síns og að „hann trúir ekki á hana", að því er BBC greindi frá. 

Sjúkrahúsið sagðist fylgja sínum reglum og í yfirlýsingu til BBC sagði: „Miðað við skortinn á líffærum sem eru í boði gerum við allt sem við getum til að að tryggja að lífslíkur sjúklings sem fær líffæri séu sem mestar.“

Að sögn talsmanns sjúkrahússins er þörf á „bóluefni gegn Covid-19 og breytingu á lífstíl til að líffæraþegarnir sem koma til greina eigi sem mesta möguleika á vel heppnaðri aðgerð og að sem mestar líkur séu á að sjúklingurinn lifi af að lokinni ígræðslunni, miðað við hversu mikið ónæmiskerfið er bælt niður“.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• Blogga um frétt