Norður-Írar minnast þess um helgina að fimmtíu ár eru liðin frá „Blóðuga sunnudeginum“, svokallaða.
Atburðurinn var einn sá sársaukafyllsti á þeim rúmu þremur áratugum sem átök voru uppi á milli kaþólskra þjóðernissinna og mótmælendatrúaðra sameiningarsinna.
Fyrir þá sem lifðu af og urðu vitni að því sem gerðist þá er sársaukinn og reiðin enn til staðar vegna atburðarins.