Skólanefnd í Tennessee-ríki hefur ákveðið að banna skáldsögu um helförina sem áður var kennt í skólum. Bókin sem um ræðir, Maus, hlaut á sínum tíma Pulitzer-verðlaunin.
Fram kemur á BBC að bókin hafi verið bönnuð vegna blótsyrða og teikninga sem sýna nekt.
Myndasagan Maus: Saga eftirlifenda fjallar um foreldra höfundarins Art Spiegelman sem lifðu af dvöl sína í Auschwitz útrýmingarbúðunum.
Spiegelman segist vera „ráðþrota“ yfir ákvörðuninni. Foreldrar hans voru pólskir gyðingar.
Maus var gefin úr árið 1992 og eru gyðingar teiknaðir sem mýs og nasistar sem kettir í bókinni.
Skólanefnd McMinn-sýslu mat teikningarnar óviðeigandi fyrir nemendur áttunda bekkjar, en bókin var á námskrá sýslunnar fyrir þann aldur.
Lee Parkinson, fræðslustjóri McMinn-sýslu, lagði upphaflega til að það efni bókarinnar sem nefndin taldi óviðeigandi yrði klippt út. Vegna höfundaréttarmála ákvað nefndin á endanum að banna bókina.