Selja úr sér nýrun á svörtum markaði
Setja bókamerki
Fjölskyldur í héraðinu Herat í Afganistan, finna sig knúnar til að selja nýru sín á svörtum markaði fyrir lágt verð til þess að afla einhverra tekna í baráttu sinni við að eiga í sig og á.
Íbúi í Herat sagði, í samtali við fréttastofuna TOLO news, að hann bjóði nýru sín og fjölskyldumeðlima sinna til sölu í von um að einhver vilji kaupa þau svo hann geti keypt mat fyrir börnin sín.
Þá eru börn að selja úr sér nýrun jafnt sem fullorðnir, konur og karlar. Það voru einnig dæmi um slíkt fyrir ári síðan, fyrir valdrán talíbana, en fátæktin hefur aukist gífurlega.
Viðskiptaþvinganir leitt til verðhækkana
Í Afganistan er ólöglegt að selja líffæri eða líkamshluta en fjölskyldurnar sjá ekki aðrar færar leiðir til að lifa af.
„Við erum sátt, landið eru öruggt en verðin eru mjög há," er haft eftir öðrum íbúa í Herat.
Liz Truss, utanríkisráðherra Bretlands kveðst hafa þungar áhyggjur af ástandinu. Unnið sé að því að veita aukna mannúðaraðstoð og enn sé verið að koma fólki úr landinu eftir ýmsum ólíkum leiðum.
Viðskiptaþvinganir og frysting milljarða bandaríkjadala í eigu ríkisins, hafa haft alvarlegar afleiðingar fyrir efnahagsástandið í landinu. Þá hefur Afganistan ekki aðgang að lánum frá alþjóðagjaldeyrissjóðnum eftir að talíbanar náðu völdum.
„Umsátursástand“
Shakespeare fannst í skókassa
„Það þarf að vinna mikinn fjölda upp“
Eyjafjarðarbraut lokað vegna alvarlegs umferðarslyss
Skiptir miklu meira máli en fólk grunar
Banna mengandi búnað sem leyfður er á Íslandi
Vélsleðaslys: Þyrlan kölluð út á mesta forgangi