Volodimír Selenskí, forseti Úkraínu, hvatti Atlantshafsbandalagið (NATO) í dag að veita úkraínskum stjórnvöldum ótakmarkaðan aðgang að hernaðaraðstoð. Um mánuður er síðan rússneskar hersveitir réðust inn í Úkraínu.

„Til þess að bjarga fólkinu okkar og borgunum þarf Úkraína ótakmarkaða hernaðaraðstoð, á sama hátt og Rússland notar sín vopnabúr gegn okkur af fullum krafti,“ sagði Selenskí á fundi með Atlantshafsbandalaginu í Brussel í morgun. 

Selenskí tók þátt í fundinum í gegnum fjarfundabúnað. 

Hann þakkaði bandalaginu fyrir þau varnarvopn sem það hefur nú þegar látið Úkraínu í té en bað um vopn til þess að berjast með. 

„Þið getið gefið okkur eitt prósent af flugvélum ykkar. Eitt prósent af skriðdrekum ykkar. Eitt prósent!“

Frétt af mbl.is

Saka Rússa um að beita ólöglegu vopni

Selenskí ræddi við Atlantshafsbandalagið í gegnum fjarfundabúnað. AFP

Sakaði rússneskar hersveitir um notkun fosfórvopna

Á fundinum sakaði hann Rússa um að nota fosfórvopn gegn Úkraínumönnum.

„Í morgun, á meðan ég man, voru fosfórsprengjur notaðar. Rússneskar fosfórsprengjur. Fullorðið fólk lést [í árásinni] og börn líka.“

Fosfórsprengjur eru mjög öflugar; þær geta valdið mikilli eyðileggingu á stórum svæðum og logar úr slíkum sprengjum geta orðið rúmlega 800 gráðu heitir. Notkun á sprengjum sem þessum getur því leitt til lífshættulegra meiðsla og langdregins dauða.

Notk­un fos­fór er bönnuð á svæðum óbreyttra borg­ara sam­kvæmt alþjóðalög­um.

Tengdar fréttir

Úkraína

Hernaðaraðstoð samþykkt – Vopnasendingar í vikunni

• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn
• Skiptar skoðanir á aðstoð Bandaríkjamanna
• 61 milljarða dollara aðstoð til Úkraínu samþykkt

» Fleiri tengdar fréttir

• Blogga um frétt