Fimm drepnir í Ísrael
Setja bókamerki
Palestínumaður skaut fimm manns til bana í gær í ísraelsku borginni Bnei Brak, rétt austan við Tel Aviv.
Tvö af fórnarlömbunum voru frá Úkraínu og tvö frá Ísrael, en sá fimmti sem var drepinn var lögreglumaður á vettvangi.
Samkvæmt lögreglunni á staðnum var árásarmaðurinn, Diaa Armashah, vopnaður M-16 vélbyssu og var drepinn í byssubardaga við lögreglu.
Um 15 þúsund Úkraínumenn búa í Ísrael en um 20 þúsund manns hafa nú flúið frá Úkraínu til Ísrael eftir innrás Rússa sem hófst 24. febrúar.
Úkraínumennirnir sem voru drepnir í Bnei Brak voru ekki flóttamenn.
Árásin fordæmd í Palestínu
Árásin er sú þriðja í vikunni í Ísrael þar sem mannfall hefur orðið.
Árásirnar hafa verið fordæmdar af ráðamönnum víðs vegar um heiminn, þar á meðal af Mahmud Abbas, forseta Palestínu.
„Morð á palestínskum og ísraelskum almennum borgurum mun eingöngu gera ástandið verra, þegar við erum öll að reyna að vinna að stöðugleika,“ sagði Abbas.
Vélsleðaslys: Þyrlan kölluð út á mesta forgangi
„Á réttri leið en nokkuð í land ennþá“
Tóku upp hanskann fyrir leikskólabörn
„Okkur miðar í rétta átt“
Tveir í bílnum sem lenti utan vegar
Árshátíð ríkislögreglustjóra haldin í Tékklandi
„Skýr skilaboð til Seðlabankans“