Unnusta Khashoggis ætlar að áfrýja
Setja bókamerki
Hatice Cengiz, unnusta blaðamannsins Jamals Khashoggis sem var myrtur árið 2018, ætlar að áfrýja úrskurði tyrknesks dómstóls um að mál gegn 26 manns sem eru grunaðir um aðild að morðinu verði flutt til Sádi-Arabíu.
Réttarhöld vegna málsins hafa staðið yfir í Tyrklandi en núna verður gert hlé á þeim.
Tyrklandi „er ekki stjórnað af fjölskyldu eins og í Sádi-Arabíu. Við erum með réttarkerfi sem tekst á við óánægju almennra borgara,“ sagði hún fyrir utan dómshús í borginni Istanbúl.
„Við munum áfrýja þessari ákvörðun í takti við okkar dómskerfi.“
Khashoggi, sem var sádiarabískur, skrifaði meðal annars fyrir bandaríska blaðið Washington Post. Hann var myrtur á ræðismannaskrifstofu Sádi-Arabíu í Istanbúl í Tyrklandi, en lík hans hefur aldrei fundist.
Fimm hafa áður verið dæmdir til dauða fyrir morðið á Khashoggi.
Forsetafylgismenn dregnir í dilka
Byggingarheimildir verði tímabundnar
Niðurstaða MDE kallar á breytingar
Vorum kannski ekki bara „hrópandi í eyðimörkinni“
Børsen brennur á afmæli drottningar