Segir stemninguna í Lvív dapra
Setja bókamerki
„Það er döpur stemning,“ segir Margeir Pétursson, sem er búsettur í borginni Lvív í vesturhluta Úkraínu, en í morgun var fimm öflugum loftskeytum skotið á borgina.
Í samtali við mbl.is segir Margeir að hann hafi ekki orðið var við loftskeytin þar sem að þau hafi verið langt frá honum. Hann hafi þó heyrt í loftvarnarflautum.
Margeir segir að í kjölfar árásarinnar vakni spurningar um hvernig tegund af eldflaugum hafi verið notaðar þar sem að eldflaugavarnirnar hafi ekki haldið.
„Það er búið að vera skjóta á borgina stanslaust síðan að stríðið byrjaði. Í næstum því öllum tilvikum hafa eldflaugavarnirnar haldið en þær gerðu það ekki í morgun.“
Halda í vonina
Þrátt fyrir ástandið í landinu segir Margeir lífið nokkuð eðlilegt í Lvív, sérstaklega ef miðað er við ástandið í öðrum úkraínskum borgum þar sem átökin hafa verið meiri.
„Menn láta þetta ekki slá sig út af laginu, það þarf bara hver maður að standa sína skyldu.“
Margeir er hluthafi í bankanum Bank Lviv. Bankinn opnaði útibú sitt í Kænugarði aftur í dag en það hafði verið lokað síðan 24. febrúar. Þá hefur opnunartími bankans einnig verið lengdur.
„Það er ákveðin bjartsýni í gangi,“ segir Margeir.
Spurður hvernig hægt sé að halda í vonina þegar fréttir berast meðal annars af því að friðarviðræður hangi á bláþræði segir Margeir:
„Ég held að það séu allir búnir að gefa það upp á bátinn. Þessi framkoma Rússa og þessi viðbjóður sem hefur verið í gangi veldur því að það eru allir harðari á því að verjast þessum viðurgangi.“
Áköf mótmæli í bandarískum háskólum
„Þetta er pínu óvanaleg staða“
Myndskeið: „Fólk var komið ískyggilega nálægt“
Tæknideild komin norður vegna andlátsins
/frimg/1/48/63/1486389.jpg)
Halla ekki verið að taka harða afstöðu
Bifreið ekið á skrifstofu Útlendingastofnunar
Baldur: „Ég ætla að svara þessu kalli“