Boris Johnson, forsætisráðherra Bretlands, hefur beðið þingmenn breska þingsins afsökunar fyrir að hafa brotið eig­in lög um sam­komutak­mark­an­ir.

Frétt af mbl.is

Johnson skýli sér á bak við stríðið í Úkraínu

Johnson baðst afsökunar er þing kom saman í dag en hann ítrekaði að hann teldi sig ekki hafa gert neitt rangt með því að vera viðstaddur veislu á afmælinu hans í júní 2020.

Frétt af mbl.is

50 sektir vegna „Partygate“

„Þetta voru mín mistök og ég biðst afsökunar á því fyrirvaralaust. Breska þjóðin hefur rétt á að búast við meiru af forsætisráðherranum þeirra,“ sagði Johnson.

Vantrauststillaga send

And­stæðing­ar John­sons á þing­inu hafa sakað hann um lyg­ar, þar sem hann hef­ur áður haldið því fram að eng­in lög hafi verið brot­in.

Á fimmtudaginn verður haldin sérstök umræða um hvort Johnson hafi afvegaleitt þingið.

Johnson sjálfur verður hins vegar á Indlandi þá.

Hann var þó spurður að því í dag hvort hann hafi logið að þinginu og svaraði Johnson neitandi. 

Mark Harper, þingmaður Íhaldsflokksins, greindi frá því á Twitter í dag að hann hafi sent vantrauststillögu á hendur forsætisráðherranum til hinnar svonefndu 1922-nefndar, sem samanstendur af almennum þingmönnum Íhaldsflokksins.

54 slík vantraustsbréf þurfa að berast til nefndarinnar til þess að knýja fram leiðtogakjör í flokknum, en ekki er sagt frá því hversu mörg bréf hafi borist til nefndarinnar fyrr en þeim fjölda er náð. 

Tengdar fréttir

Veislu­höld í Down­ingstræti

Vissi ekki að verið væri að brjóta lög

• Johnson þarf að svara fyrir „Partygate“
• Fimm mál sem leiddu til fallsins
• Geta nú skilið við „Partygate“
• Sagði niðurstöðuna vera „afgerandi“

» Fleiri tengdar fréttir

• Blogga um frétt