Fangavörður sem lagði á flótta ásamt fanga frá fangelsi í Alabama í Bandaríkjunum er látinn. Fangavörðurinn, Vicky White, skildi við á spítala eftir að hún skaut sjálfa sig, að sögn lögreglu.
Fanginn heitir Casey White, en þau Vicky voru ekki skyld. Þau höfðu verið á flótta í tíu daga þegar þau voru handtekin borginni Evansville í Indiana ríki.
Þau eru sögð hafa átt í rómantísku sambandi.
Casey White hafði verið dæmdur í 75 ára fangelsi fyrir mannrán, rán og tilraun til manndráps, svo eitthvað sé nefnt.
„Við náðum hættulegum manni af götunni í dag. Hann mun aldrei sjá dagsljós aftur,“ sagði Rick Singelton, lögreglustjóri í Lauderdale-sýslu í Alabama, um málið.