Leonid Kravchuk, fyrsti forseti Úkraínu, lést í dag, 88 ára að aldri. Hann gegndi embætti forseta á árunum 1991-1994.
„Sorgarfréttir og mikill missir,“ sagði Andriy Yermak, aðstoðarmaður núverandi forseta landsins, á miðlinum Telegram og lýsti Kravchuk sem vitrum föðurlandsvini og sögufrægri persónu í því að öðlast sjálfstæði landsins frá Sovétríkjunum.
Í færslu á Telegram hrósaði Vitali Klitschko, borgarstjóri Kænugarðs, Kravchuk meðal annars fyrir sterkan persónuleika og þekkingu.