Stjórnvöld í Norður Kóreu staðfestu fyrsta kórónuveirusmitið þar í landi í dag og lýstu yfir „alvarlegu neyðarástandi“. Kim Jong-un, leiðtogi Norður-Kóreu tilkynnti strangar sóttvarnareglur á landsvísu í kjölfarið. 

Aldrei áður hafði smit verið staðfest í landinu og ríkisstjórnin hafði sett á stífar reglur á landamærunum síðan í byrjun faraldursins árið 2020. 

En sýni sem tekið var úr manni sem veikur var í Pyongyang, höfuðborg Norður Kóreu, leiddi í ljós að hann var smitaður af BA.2 Ómíkron afbrigði kórónuveirunnar. 

Háfleyg orð um sigur 

Kim Jong-Un og aðrir háttsettir embættismenn í landinu héldu neyðarfund í dag vegna þróunar mála. Tilkynntu þeir að þeir myndu setja í gang „háneyðar faraldursforvarnarkerfi“ (e. maximum emergency epidemic prevention system).

Ekki hefur verið útlistað í hverju harðar sóttvarnatakmarkanir felast. en Kim sagði að markmiðið væri að „uppræta upptök veirunnar“. Þá bætti hann því við að Norður Kórea muni „sigrast á núverandi ástandi.“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt