Venjulega þarf að hafa hunda í einhvers konar búrum þegar þeir ferðast með eigendum sínum í háhraða skotlestunum í Japan, en í dag var hundahald leyft í einum vagni á leið frá Tokyo til Karuizawa.
21 loðinn ferfætlingur fylgdi eiganda sínum í þessa klukkustundar löngu gæludýra lestarferð.
Samanlögð þyngd gæludýra og búra þeirra má ekki vera meiri en tíu kílógrömm í venjulegri lestarferð háhraðalestarkerfis Japans, en lestir þar í landi eru þekktar fyrir það hversu hreint er inni í þeim.
Plast var sett yfir öll sæti gæludýra-lestarvagnsins og fjögur lofthreinsitæki til að reyna að halda hreinlætinu í hámarki.
Skipuleggjendur lestarferðarinnar segjast vonast til þess að fleiri sambærilegar ferðir verði í framtíðinni.