Twitter-fjárfestir í mál við Musk
Setja bókamerki
William Heresniak, fjárfestir samfélagsmiðilsins Twitter, hefur höfðað hópmálsókn gegn Elon Musk, forstjóra Tesla, og samfélagsmiðlinum sjálfum vegna meðhöndlunar á 44 milljarða dala tilboði hans í fyrirtækið.
BBC greinir frá þessu en því er haldið fram að Musk hafi á ýmsan hátt brotið gegn lögum um fyrirtæki í Kaliforníu.
Hann er sakaður um „ranga hegðun“ þar sem „rangar yfirlýsingar og markaðsmisnotkun“ hafi skapað „kaos“ í höfuðstöðvum Twitter í San Fransisco.
Heresniak sagðist vera að koma fram fyrir hönd sjálfs síns og annarra fjárfesta í svipaðri stöðu.
Tíst Musk hafi verið villandi
Því er haldið fram að Musk hafi hagnast fjárhagslega á því að seinka uppljóstrun á umtalsverðum hlut sínum í Twitter og áætlun hans um að verða stjórnarmaður í fyrirtækinu.
Þá hafi nokkur tíst Musk verið villandi og meðal annars vísað í færslu þar sem Musk sagði að yfirtökutilboðið væri í biðstöðu vegna efasemda hans um fjölda falskra reikninga á miðlinum.
Tístið hafi falið í sér tilraun til að hagræða hlutabréfamarkaði Twitter þar sem hann vissi af fölsku reikningunum.
Reyni að semja um lægra kaupverð
Frank Bottini, lögmaður Twitter-fjárfestanna sagði við BBC að málið hefði veri höfðað þar sem Musk heldur áfram að gera lítið úr fyrirtækinu til að reyna að endursemja um kaupverðið.
Í ræðu á tækniráðstefnu fyrr í mánuðinum sagði Musk að hann útilokaði ekki að gera samning um lægra verð.
Twitter neitaði að tjá sig um málið þegar BBC hafði samband.
„Mér finnst Halla Hrund svona Vigdísarleg“
Mest spennandi kosningar í áratugi
Tæknideild komin norður vegna andlátsins
Biðst afsökunar með heilsíðuauglýsingu
Íslendingar ein mest einmana þjóð heims
Baldur: „Ég ætla að svara þessu kalli“