141 þingmaður hefur sagst styðja Johnson
Setja bókamerki
Atvkvæðagreiðsla í breska þinginu vegna vantrauststillögu á hendur forsætisráðherranum Boris Johnson hófst klukkan 17 að íslenskum tíma en þingmenn Íhaldsflokksins kjósa um tillöguna.
Johnson þarf 180 atkvæði íhaldsmanna til að fella tillöguna en 141 þingmaður innan flokksins hefur sagst styðja Johnson. Alls sitja 359 íhaldsmenn á þinginu.
Ef vantrauststillagan verður samþykkt, þarf Johnson að víkja úr embætti og getur ekki gegnt embætti formanns Íhaldsflokksins.
Tillagan var sett fram af 54 þingmönnum Íhaldsflokksins í kjölfar hneykslismála í tengslum við veisluhöld í Downingstræti á meðan strangar sóttvarnareglur voru í gangi vegna kórónuveirunnar.
BBC greinir frá því að flestir ráðherrar ríkisstjórnar Johnsons hafi lýst yfir stuðningi við forsætisráðherrann.
Theresa May, forveri Johnsons í embætti forsætisráðherra, stóð af sér vantrauststillögu í lok árs 2018. Sú tillaga var lögð fram vegna óánægju með samning hennar um Brexit.
Atkvæðagreiðslunni í dag lýkur klukkan 19 og búast má við niðurstöðum klukkustund síðar.
Tapa fimm milljónum á dag
Myndir: Reynir við heimsmet í Hlíðarfjalli í dag
Mest spennandi kosningar í áratugi
Hönnun sem bætir líf manna
Áköf mótmæli í bandarískum háskólum
Moses Hightower og Prins Póló gefa út eyjalag
Verðbólgan komin niður í 6%
Íslendingar ein mest einmana þjóð heims