Justin Trudeau, forsætisráðherra Kanada, hefur greinst með Covid-19 í annað sinn á fimm mánuðum.
Frá þessu greinir Trudeau sjálfur á Twitter og segir líðan sína góða en hann sé í sjálfskipaðri einangrun.
I’ve tested positive for COVID-19. I’ll be following public health guidelines and isolating. I feel okay, but that’s because I got my shots. So, if you haven’t, get vaccinated - and if you can, get boosted. Let’s protect our healthcare system, each other, and ourselves.
— Justin Trudeau (@JustinTrudeau) June 13, 2022
„Ég hef greinst jákvæður fyrir Covid-19. Ég mun fylgja fyrirmælum heilbrigðisyfirvalda og einangra mig. Mér líður ágætlega, en það er vegna þess að ég er bólusettur. Þannig að ef þú ert það ekki, nældu þér þá í bólusetningu – og ef þú getur, nældu þér í örvunarskammt. Verndum heilbrigðiskerfið, hvert annað og okkur sjálf,“ segir í tísti forsætisráðherrans.
Trudeau, sem fengið hefur þrjá skammta af bóluefni við Covid-19, greindist einnig með veiruna síðla í janúar.