Rússar vara Litháen við aðgerðum vegna Kalíngrad
Setja bókamerki
Rússland sendi frá sér viðvörun til Litháen í gær þess efnis að ef Litháen opnaði ekki aftur á vöruflutning til og frá Kalíngrad myndu Rússar grípa til aðgerða gegn Litháen til að gæta hagsmuna sinna. Kalíngrad er lítill hluti Rússlands við Eystrasalt sem deilir landamærum með Litháen og Póllandi. Fréttastofa Reuters greinir frá þessu.
Litháen er hluti af Atlantshafsbandalaginu (NATO) og eykur þetta því talsvert á viðvarandi spennu á milli Rússlands og NATO.
Í kjölfar innrásar Rússlands í Úkraínu lokaði Litháen á flutning þess varnings sem er tilgreindur í viðskiptabanni Evrópusambandsins inn og út úr rússneska svæðinu sem er skilið frá restinni af Rússlandi.
Rússar hafa mótmælt þessu og segir talsmaður stjórnvalda í Rússlandi, Dimitry Peskov, ástandið vera mjög alvarlegt. Utanríkisráðherra Rússlands hefur kallað eftir því að Litháen opni fyrir flutning vara og segist líta á þetta sem árás á Rússland.
Hafa stjórnvöld í Rússland tilkynnt að ríkið hyggst grípa til aðgerða gegn Eystrasaltsríkinu ef það fer ekki að vilja Rússa sem allra fyrst.
Utanríkisráðherra Litháen, Gabrielius Landsbergis, segir að þetta sé ekki undir Litháen komið heldur séu þetta þvinganir frá Evrópusambandinu.
Hafa „ágætis tíma“ til úrbóta
Ný staða uppi og óvissan meiri
Mun fara sparlega með málskotsréttinn
Mikilvægt að vera á tánum
Bjarkey stendur við skammarbréf Svandísar
Hæstiréttur staðfestir vanhæfi alls Landsréttar
Færa slökkviliðið til nútímans
Almannavarnir auka viðbúnað