Tveir látnir eftir árás Rússa á verslunarmiðstöð

Verslunarmiðstöðin stendur í ljósum logum.
Verslunarmiðstöðin stendur í ljósum logum. AFP

Rússneskt flugskeyti hæfði verslunarmiðstöð í borginni Krementsjúk í austurhluta Úkraínu í dag, þar sem mikill mannfjöldi var samankominn. Að minnsta kosti tveir eru látnir og tugir særðir, þar á meðal níu alvarlega.

AFP

„Rússar skutu flugskeytum að verslunarmiðstöð þar sem voru yfir þúsund óbreyttir borgarar. Verslunarmiðstöðin stendur í ljósum logum og slökkviliðsmenn berjast við eldinn. Það er ekki hægt að ímynda sér fjölda fórnarlamba,“ segir Volodimír Selenskí, forseti Úkraínu, í færslu á Telegram.

Í myndbandi sem fylgir færslu forsetans sést eldhafið og fjöldi slökkviliðsbíla fyrir utan verslunarmiðstöðina. Björgunaraðgerðir standa enn yfir.

Héraðsstjóri segir árásina vera „stríðsglæp og glæp gegn mannkyninu“.

mbl.is