Margrét Þórhildur Danadrottning og Friðrik krónprins hafa sent frá sér yfirlýsingu vegna skotárásarinnar í Kaupmannahöfn.
„Hugur okkar og samúð er hjá fórnarlömbunum, aðstandendum þeirra og öllum þeim sem urðu fyrir barðinu á harmleiknum,“ segir í yfirlýsingunni en óvíst er hversu margir létust í árásinni í Field's verslunarmiðstöðinni.
„Ástandið kallar á samheldni og umhyggju og viljum við þakka lögreglu, neyðarþjónustu og heilbrigðisyfirvöldum fyrir skjót viðbrögð og árangursríkar aðgerðir.“