Hákarl varð tveimur að bana

Tvær konur létust í hákarlárás i ferðamannabæ við Rauðahafið í Egyptalandi að sögn umhverfisráðuneytisins þar í landi.

„Hákarl réðst á tvær konur þegar þær voru að synda,“ skrifaði ráðuneytið á Facebook og bætti við að þær hefðu báðar látist en gaf ekki frekari upplýsingar um konurnar.

Á föstudag barst þó fyrirskipun frá yfirvöldum í landinu um að öllum ströndum svæðisins yrði lokað í þrjá daga eftir að austurrískur ferðamaður missti handlegg í því sem virðist hafa verið hákarlaárás.

Starfshópur vinnur nú að því að greina vísindalegar orsakir og aðstæður árásarinnar og ákvarða ástæðurnar á bak við hegðun hákarlsins sem leiddi til atviksins, að sögn umhverfisráðuneytisins.

Ráðast sjaldan á fólk

Rauðahafið er vinsæll ferðamannastaður þar sem hákarlar eru algengir en ráðast þó sjaldan á fólk á sundi. 

Árið 2018 var tékkneskur ferðamaður drepinn af hákarli við Rauðahafsströnd. Sambærileg árás varð 2015 þegar hákarl varð þýskum ferðamanni að bana.

Frétt af mbl.is

Rannsaka margar hákarlaárásir

Árið 2010 urðu fimm hákarlárásir á fimm dögum og lést einn breskur ferðamaður. Árásirnar áttu sér stað óvenju nálægt strönd ferðamannastaðarins Sharm el-Sheikh.

• Blogga um frétt