Árásarmaðurinn sem er grunaður um að hafa skotið sex til bana og slasað hátt í 30 manns í Highland Park í Illinois-ríki í Bandaríkjunum hefur verið handtekinn og er nú í haldi lögreglu. Fréttastofa CBS greinir frá þessu.

Lögreglan á svæðinu sá Robert E. Crimo III þar sem hann ók bifreið sinni á hraðbraut í Illinois og reyndi lögregla að fá hann til að stöðva bílinn sinn. Crimo gegndi því ekki og hófst þá eftirför á hraðbrautinni.

Eftir stutta eftirför náðu lögreglumenn að króa bíl Crimo af og var hann þá handtekinn og færður í hald á lögreglustöð í Highland Park þar sem að Crimo skaut sex til bana fyrir nokkrum klukkutímum síðan. 

Fréttin hefur verið uppfærð.

Tengdar fréttir

Skotárás í Highland Park

Játar sök og íhugaði að hefja aðra skotárás

• Missti báða foreldra í árásinni
• Ákærður fyrir fjöldamorð í Chicago
• Skipulagði árásina vikum saman
• Árásarmaðurinn nafngreindur og er 22 ára

» Fleiri tengdar fréttir

• Blogga um frétt