Hringdi í neyðarlínu án árangurs fyrir skotárásina
Setja bókamerki
Maðurinn sem er grunaður um hafa skotið þrjá til bana í verslunarmiðstöðinni Field's í Kaupmannahöfn á sunnudaginn hringdi í neyðarlínu geðlækna síðdegis sama dag. Enginn svaraði og stuttu seinna hófst skotárásin í Field's.
Þetta kemur fram í frétt danska ríkisútvarpsins, DR.
Enginn geðlæknir gat svarað manninum þar sem opnunartími neyðarlínunnar var breyttur vegna sumarleyfa. Eftir því sem fram kemur í frétt DR um málið er ekki vitað hvers vegna maðurinn hringdi í neyðarlínuna en stuttu seinna gekk hann vopnaður inn í verslunarmiðstöðina Field's og skaut þar þrjá til bana og særði fjóra, þar af einn lífshættulega.
Lögregla hefur staðfest að maðurinn sem var handtekinn hafi átt við andleg veikindi að stríða. Hefur hann nú verið úrskurðaður í gæsluvarðhald til 28. júlí en mun dvelja á geðdeild, ekki í fangelsi.
Árshátíð ríkislögreglustjóra haldin í Tékklandi
Æskuvinur Íslendings myrtur í Noregi
Krefjast stöðvunar framkvæmda
„Á réttri leið en nokkuð í land ennþá“
Banna mengandi búnað sem leyfður er á Íslandi
Handteknir eftir myndatöku í Vesturbæjarlaug
Sex hafa greinst með listeríu