Ráðherrar hittast til að minnka gasnotkun í Evópu

Ráðherrar Evrópusambandsins munu hittast í dag til að taka fyrir áætlun um að minnka notkun á gasi frá Rússlandi í vetur. Þetta er gert til að sporna gegn því sem iðnaðarráðherra Tékklands, Jozef Sikela, kallar kúgun Vladímír Pútíns og vísar þá til stefnu rússneska orkurisans Gazprom að draga úr útflutningi á gasi til Evrópuríkja.

Eins og greint hefur verið frá hefur Gazprom minnkað töluvert útflutning á gasi til Evrópuríkja og má nefna að í byrjun júlí hafði engu rússnesku gasi verið dreift til Þýskalands í gegn­um Nord Stream-gas­leiðsluna í tíu daga í röð. 

Frétt af mbl.is

„Þetta er okkar vara, okkar reglur“

Frétt af mbl.is

Óttast að Rússar skrúfi alfarið fyrir gasið

„Pútín mun halda áfram að beita brögðum og misnota dreifingu gass og kúga Evrópu,“ sagði Sikela þegar hann mætti til fundar með öðrum iðnaðarráðherrum Evrópusambandsins í borginni Brussel í Belgíu í dag.

Hann ítrekaði að minnkun á útflutningi frá Gazprom væri enn eitt dæmið um það að Evrópuríki þurfi að taka málin í sínar hendur og gerast sjálfstæð í orkumálum án þess að þurfa að reiða sig á gas frá Rússlandi.

Samkvæmt nýjustu áætlun Evrópusambandsins er lagt upp með að öll ríki sambandsins minnki gasnotkun um 15 prósent fyrir marsmánuð. 

• Blogga um frétt