Fjórir eru alvarlega slasaðir eftir að hafa orðið fyrir eldingu við Hvíta húsið í Washington höfuðborg Bandaríkjanna í dag. Fréttastofa BBC greinir frá þessu.
Tveir karlmenn og tvær konur voru á gangi um Lafayette-garð í höfuðborginni en á meðan geisaði mikið óveður. Þá laust niður eldingu við girðinguna utan um svæði Hvíta hússins og hæfði þau öll samtímis.
Vegna nálægðar við Hvíta húsið voru fyrstir á vettvang meðlimir leyniþjónustu bandaríkjanna sem veittu þeim slösuðu skyndihjálp.
Öll fjögur voru lífshættulega slösuð þegar að viðbragðsaðilar komu á vettvang og voru þau flutt með flýti á gjörgæslu á spítala í nágrenni við Hvíta húsið.
Enn er óvitað hvort tenging hafi verið milli einstaklinganna eða hvaða erindi þau höfðu úti í óveðrinu. Veðurstofa Bandaríkjanna var nýlega búin að gefa út viðvörun við eldingum á svæðinu.