Kína slítur samstarfi við Bandaríkin
Setja bókamerki
Yfirvöld í Kína slíta samstarfi við Bandaríkin í fjölda málum sem snúa m.a. að loftslagsbreytingum, aðgerðum sem sporna við eiturlyfjanotkun og hernaðarviðræðum. Þetta kemur í kjölfar heimsóknar Nancy Pelosi, forseta fulltrúardeildar Bandaríkjaþings, til Taívan.
Kína og Bandaríkin gerðu með sér samkomulag á síðasta ári þar sem þjóðirnar hétu því að vinna gegn loftslagsbreytingum í sameiningu. Samkomulagið, ásamt öðrum, virðist því hafa runnið í sandinn þar sem samskipti þjóðanna stirðna sökum framangreindrar heimsóknar.
Frá því í gær hefur kínverski herinn skotið fjölda flugskeyta. Þá hefur Kína sent orrustuþotur og herskip á hafsvæði umhverfis eyjuna. Kína hyggst halda umræddum hernaðaræfingum áfram fram á miðjan sunnudag en yfirvöld þar á landi telja að æfingarnar séu nauðsynleg viðbrögð við heimsókn Pelosi.
Tóku upp hanskann fyrir leikskólabörn
Moses Hightower og Prins Póló gefa út eyjalag
Mest spennandi kosningar í áratugi
Tapa fimm milljónum á dag
Fara ekki lengur fram á einangrun yfir Davíð
„Þetta náttúrulega endar með ósköpum“
„Á réttri leið en nokkuð í land ennþá“
Beint frá Kína