Tvö flutningaskip til viðbótar yfirgefa Úkraínu
Setja bókamerki
Tvö flutningaskip hlaðin korni lögðu úr höfn í Úkraínu í dag. Skipin sigldu frá Tsjornómorsk-höfn með samanlagt 70 þúsund tonn af landbúnaðarvörum um borð, samkvæmt yfirlýsingu frá úkraínska innviðaráðuneytinu.
Þar sagði einnig að skipin tvö væru annars vegar á leið til Tyrklands með ríflega fimm þúsund tonn af varningi, og hins vegar á leið til Suður-Kóreu með 65 þúsund tonn af korni.
Alls hafa 12 skip haldið af stað úr þremur mismunandi höfnum í Úkraínu við Svartahafið eftir að samkomulag náðist um útflutning á korni milli Rússlands og Úkraínu. Sameinuðu þjóðirnar og Tyrkland leiddu viðræðurnar.
Stöðva þurfti útflutning á korni frá Úkraínu vegna stríðsins í landinu. Vonast er til að samningurinn dragi úr alþjóðlegri matvælakreppu og lækki verð á korni en hindrun á útflutningi korns frá Úkraínu hefur valdið því að verð á meðal annars brauði, pasta, matarolíu og áburði hefur hækkað.
Færa slökkviliðið til nútímans
Hægagangur og vaxandi ókyrrð
Bjarkey stendur við skammarbréf Svandísar
Ofsóttur innan veggja Boeing
Gerir ráð fyrir 150 samningum í næstu viku
Sárt að horfa upp á illa meðferð fjármuna
Hyggjast leyfa fólki að skoða gosið