Átta særðir eftir skotárás í Jerúsalem
Setja bókamerki
Átta særðust, þar af tveir alvarlega, í skotárás í strætisvagni í Jerúsalem-borg í Ísrael í dag. Meðal þeirra sem særðust alvarlega var ófrísk kona.
Kan Eli Levy, talsmaður ísraelsku lögreglunnar, sagði í viðtali að búið væri að handtaka árásarmanninn.
Árásin átti sér stað nærri Grátmúrnum, sem er einn af helgustu stöðum gyðinga.
Strætisvagnabílstjórinn Daniel Kanievsky lýsti því að árásarmaðurinn hafi hleypt af fjölda skota við biðstöð nærri grafhýsi Davíðs konungs.
„Tveir utan vagnsins féllu á jörðina, tveimur inni í vagninum blæddi mikið. Mikil skelfing greip um sig.“
Fæddi barnið eftir árásina
Ein þeirra sem særðust var ófrísk kona. Var hún flutt á slysadeild þar sem hún fæddi barnið. Að sögn talsmanns á sjúkrahúsinu eru bæði konan og barnið í alvarlegu en stöðugu ástandi.
Palestínsku Hamas-samtökin hylltu árásina en tóku þó ekki ábyrgð á henni.
Vika er síðan að þriggja daga átökum á milli Ísraelsmanna og vígsamtakanna Íslamskt jihad ( e. Palestinian Islamic Jihad) á Gasa-svæðinu lauk.
Að minnsta kosti 49 Palestínumenn létust í átökunum. Síðasta sunnudag var komið á vopnahléi með milligöngu Egypta.
Átta morðmál á aðeins tólf mánuðum
Baldur: „Ég ætla að svara þessu kalli“
Mest spennandi kosningar í áratugi
Katrín: Jóhönnustjórnin talaði máli Íslands
Íslendingar ein mest einmana þjóð heims
„Mér finnst Halla Hrund svona Vigdísarleg“
Búið að bólusetja börn alla helgina
Segir nýtt frumvarp gefa eldisfyrirtækjum auðlindir