Mikhaíl Gorbatsjov er látinn
Setja bókamerki
Mikhaíl Gorbatsjov, fyrrum leiðtogi Sovétríkjanna, lést í kvöld 91 árs að aldri. Samkvæmt upplýsingum frá sjúkrahúsi í Moskvu hafði hann verið að berjast við langvarandi og alvarleg veikindi.
Frá þessu greina rússneskar fréttaveitur.
Gorbatsjov fæddist þann 2. mars árið 1931 í þorpinu Prívolnoje í suðvesturhluta Rússlands. Fjölskylda hans var hálf rússnesk og hálf úkraínsk.
Síðasti leiðtogi Sovétríkjanna
Hann gekk til liðs við ungliðahreyfingu kommúnistaflokksins 15 ára að aldri og árið 1952 gekk hann síðan til liðs við kommúnistaflokkinn og hóf nám í lögfræði við Háskólann í Moskvu. Hann útskrifaðist þaðan árið 1955.
Eftir að hafa unnið sig upp innan flokksins var Grobatsjov valinn til að gegna embætti aðalritara Kommúnistaflokks Sovétríkjanna árið 1985, var hann þar með orðinn leiðtogi Sovétríkjanna.
Fimm árum síðar, árið 1990, varð hann forseti Sovétríkjanna og gegndi hann því embætti til ársins 1991 þegar Kalda stríðinu lauk með falli Sovétríkjanna.
Fundurinn í Höfða
Árið 1986 kom Gorbatsjov til Íslands og fundaði með Bandaríkjaforsetanum Ronald Reagan í Höfða til að ræða afvopnunarmál vegna Kalda stríðsins.
Leiðtogafundurinn beindi á sínum tíma athygli umheimsins að Íslandi með hætti sem aldrei hafði gerst áður, Ísland var í sviðsljósi alþjóðlegrar fjölmiðlunar dögum saman.
Árið 1990 fékk Gorbatsjov friðarverðlaun Nóbels fyrir hlut sinn í að bæta úr alþjóðlegum samskiptum milli austurs og vesturs. Var hann talinn hafa komið á ákveðinni sátt milli Bandaríkjanna og Sovétríkjanna með friðarviðræðum.
/frimg/1/48/52/1485260.jpg)
Ölfusárbrú opnuð aftur eftir bílslys
Skrítin menning í bankanum
„Tíminn er runninn út fyrir Kristján Loftsson“
„Ert þú þá svona latte-lepjandi hjólagaur?“
Benda á Samgöngustofu sem bendir út í heim
Allar rúður brotnar hjá Fiskikónginum
Mikil skjálftavirkni á landinu áhyggjuefni
Sat á þaki byggingarinnar þegar eldurinn kviknaði