Fyrrverandi forsetar Panama ákærðir
Setja bókamerki
Saksóknarar í Panama hafa ákært forsetana fyrrverandi Richardo Martinelli og Juan Carlos Valera fyrir að þvætta peninga frá verktakafyrirtækinu Odebrecht. Áður hafði fyrirtækið viðurkennt að hafa greitt mútur í landinu.
Mennirnir tveir, sem leiddu Panama á árunum 2009 til 2019, mættu ekki í dómsal í gær vegna málsins.
Saksóknarar saka þá um að hafa notað leppfyrirtæki og erlenda bankareikninga til að taka á móti peningum frá Odebrecht á árunum 2008 til 2014.
Um 50 manns í viðbót tengjast ákærunum, þar á meðal þó nokkrir fyrrverandi ráðherrar, að sögn saksóknara.
Odebrecht játaði árið 2016 í dómsal í Brooklyn í Bandaríkjunum að hafa greitt yfir 788 milljónir dala, eða um 110 milljarða króna, í mútur til embættismanna í ríkisstjórnum og stjórnmálaflokkum, aðallega í Suður-Ameríku, til að tryggja sér verktakasamninga.
Brasilíska fyrirtækið viðurkenndi að hafa greitt 59 milljónir dala, eða um 8,2 milljarða króna, í mútur í Panama gegn því að fá slíka samninga.
Vélsleðaslys: Þyrlan kölluð út á mesta forgangi
Tveir í bílnum sem lenti utan vegar
Veiting hvalveiðileyfis ekki brot á EES-samningi
Skar höfuðleðrið af íslenskri konu
Handteknir eftir myndatöku í Vesturbæjarlaug
Eyjafjarðarbraut lokað vegna alvarlegs umferðarslyss
Krefjast stöðvunar framkvæmda
Kostnaður meiri en milljón á fermetra