Harka færist í átökin í Íran
Samkvæmt opinberum tölum eru 35 látnir eftir að ríkisstjórn Írans skar upp herör gegn mótmælum sem hafa staðið yfir þar í landi síðustu viku. Raunverulegur fjöldi látinna er þó talinn mun hærri en yfirvöld gefa upp. Tilefni mótmælanna er andlát hinnar 22 ára gömlu Mahsa Amini.
Tölur um látna eru þó á reiki og hafa erlendir miðlar sagt fréttir af hærri dánartölum.
Hundruð manna hafa síðustu 8 daganna safnast saman í stærstu borgum Íran til að lýsa yfir óánægju með stjórnarfar í Íran í kjölfar andlátsins. Amini, sem er Kúrdi, lést eftir að hafa verið handtekin fyrir að brjóta gegn ströngum reglum íslams um klæðaburð.
/frimg/1/36/64/1366469.jpg)
Auk þeirra 35 sem hafa látist í aðgerðunum hafa hundruð mótmælenda verið handteknir. Í borginni Gilan hafa 739 verið handteknir, þar af 60 konur.
Í myndböndum sem hafa náðst á vettvangi má sjá öryggisverði skjóta úr sjálfvirkum rifflum á óvopnaða mótmælendur.
Þá hafa fjölmiðlamenn og aðgerðarsinnar verið handteknir, þar á meðal þeir sem hafa vakið athugli á dauða Amini innan Írans.
