Rússar vilja fund um gaslekann í Öryggisráðinu
Setja bókamerki
Öryggisráð Sameinuðu þjóðanna mun funda um lekann frá Nord Stream 1 og 2 gasleiðslunum á föstudaginn, að fram kom í máli Ann Linde, utanríkisráðherra Svíþjóðar, á blaðamannafundi í dag.
Það voru Rússar sem óskuðu eftir fundinum, en stjórnvöld víða um Evrópu gruna Rússa um að standa að baki skemmdarverkum á gasleiðslunum.
Leiðslurnar liggja um Eystrasalt og eiga að flytja gas frá Rússlandi til Þýskalands. Þær hafa ekki verið í notkun upp á síðkastið, en eru engu að síður fullar af metangasi. Talið er að um 350 þúsund tonn af gasi hafi verið í leiðslunum og að helmingur þess hafi nú þegar sloppið út í andrúmsloftið.
Talskona utanríkisráðuneytis Rússlands sagði í færslu á samfélagsmiðlum fyrr í dag að Joe Biden, forseti Bandaríkjanna, yrði að svara fyrir það hvort Bandaríkin beri ábyrgð á lekanum. Þeir hefðu hótað endalokum leiðslnanna ef Rússar réðust inn í Úkraínu.
Talskona Þjóðaröryggisráðs Bandaríkjanna svaraði því til að það væri „fáránlegt“ að krefjast svara frá Biden. Rússar væru þekktir fyrir að dreifa fölskum upplýsingum og væru að gera það núna.
Segjast hafa skotið niður langdræga sprengjuvél
„Menn eru bara búnir að forgangsraða“
Ísraelar hefna árásarinnar
„Það er skiljanlegt að þolinmæði þeirra sé lítil“
Aðeins ein leið fær í Grindavíkurmálum
Innviðir þandir og álagið „gríðarlegt“
29 nautgripir fundust dauðir
Markaðurinn hitnar og leiguverð hækkar hratt