Knattspyrnuheimurinn í áfalli

Knattspyrnuheimurinn er í áfalli eftir fregnir af harmleiknum á Kanjuruhan-leikvanginum í Indónesíu, að sögn Gianni Infantino, forseta Alþjóðaknattspyrnusambandsins (FIFA).

„Þetta er dimmur dagur fyrir alla þá sem tengjast knattspyrnu og harmleikur umfram skilning. Ég votta fjölskyldu og vinum fórnarlambanna sem létust í slysinu mínar dýpstu samúðarkveðjur,“ sagði forsetinn. 

Frétt af mbl.is

Minnst 174 létust í troðningi eftir fótboltaleik

Að minnsta kosti 174 létust og 180 slösuðust þegar óeirðir brutust út og mikill troðningur skapaðist á Kanjuruhan-leikvanginum í Malang í Indónesíu í gær, skömmu eftir að dómari flautaði til leiksloka í leik Arema FC og Persebaya Surabaya. 

Óeirðir brutust út og mikill troðningur skapaðist að leikslokum. AFP

Einnar mínútu þögn

Til að votta fórnarlömbunum virðingu verður einnar mínútu þögn í upphafi leikja í spænsku deildinni í dag.

„La Liga og Spæsnka knattspyrnusambandið hafa ákveðið að halda mínútu þögn til að votta íbúum Indónesíu samúð, sérstaklega fjölskyldu þeirra sem létust í harmleiknum á Kanjuruhan-leikvanginum á eyjunni Java,“ sagði í sameiginlegri yfirlýsingu.

• Blogga um frétt