Segir Úkraínu undirbúa árás á Hvíta-Rússland
Setja bókamerki
Alexander Lúkasjenkó, forseti Hvíta-Rússlands og náinn samherji Vladimírs Pútíns Rússlandsforseta, segir að Úkraínumenn undirbúi árás á landsvæði Hvíta-Rússlands.
„Ég hef þegar sagt að í dag er Úkraína ekki bara að hugsa um það, heldur að skipuleggja árásir á landsvæði Hvíta-Rússlands,“ hafði ríkisfréttastofan Belta eftir Lúkasjenkó að loknum fundi með embættismönnum í öryggismálum.
„Við höfum samþykkt að safna saman mannskap frá Rússlandi og Hvíta-Rússlandi á svæðinu,“ bætti hann við.
Lúkasjensó tilgreindi ekki hvert hersveitirnar ætluðu, en sagði að þær hefðu verið myndaðar fyrir tveimur dögum.
„Án þess að vilja gera ástandið enn verra þá þurfið þið að skilja að ef þið viljið frið þurfið þið að undirbúa ykkur fyrir stríð,“ sagði hann.
Hvíta-Rússland reiðir sig fjárhags- og stjórnmálalega á stuðning frá Rússlandi.
Lúkasjenskó leyfði rússneskum hersveitum að fara inn í land sitt undir því yfirskini að um heræfingar hefði verið að ræða, mánuðina áður en Rússar gerðu innrás í Úkraínu.
Aðeins ein leið fær í Grindavíkurmálum
Hjón sluppu með skrekkinn
Ekki byggt í takt við áform sveitarfélaga
„Það er skiljanlegt að þolinmæði þeirra sé lítil“
Markaðurinn hitnar og leiguverð hækkar hratt
Kveðst tala af virðingu: „Ég er enginn dóni“
Mikil skjálftavirkni á landinu áhyggjuefni
Kvikan virðist nú skiptast til helminga