Um fimmtíu þjóðir, leiddar af Bandaríkjamönnum, hétu því á fundi í höfuðstöðvum NATO í Brussel, höfuðborg Belgíu, að útvega stjórnvöldum í Úkraínu fleiri eldflaugavarnarkerfi.

Stutt er síðan Rússar skutu fjölmörgum flugskeytum á hinar ýmsu borgir í Úkraínu.

Frétt af mbl.is

19 látnir og yfir 100 særðir eftir árásirnar

„Við munum útvega kerfin eins fljótt og við mögulega getum,“ sagði Lloyd Austin, varnarmálaráðherra Bandaríkjanna, að loknum fundinum.

Volodimír Selenskí. AFP

Volodimír Selenskí, forseti Úkraínu, sem hefur lýst flugskeytaárásum Rússa sem hryðjuverkum, fagnaði væntanlegum eldflaugavarnarkerfum.

„Eftir því sem Rússar verða grimmari er enn augljósara að aðstoð heimsins við að vernda himininn yfir Úkraínu er eitt mikilvægasta verkefni Evrópu í dag,“ sagði forsetinn í ávarpi sínu.

Innlimun fordæmd

Á fundi G7-ríkjanna var samþykkt að „standa með Úkraínu eins lengi og þörf krefur“. Allsherjarþing Sameinuðu þjóðanna samþykkti jafnframt í gær að fordæma ákvörðun Rússa um að innlima úkraínsk landsvæði.

Ályktunin var samþykkt með 143 atkvæðum gegn fimm. 35 þjóðir sátu hjá, þar á meðal Kína, Indland, Suður-Afríka og Pakistan, þrátt fyrir að Bandaríkin hafi lagt áherslu á að aðgerðir Rússa yrðu fordæmdar á sem breiðustum grundvelli.

Tengdar fréttir

Úkraína

Hernaðaraðstoð samþykkt – Vopnasendingar í vikunni

• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn
• Skiptar skoðanir á aðstoð Bandaríkjamanna
• 61 milljarða dollara aðstoð til Úkraínu samþykkt

» Fleiri tengdar fréttir

• Blogga um frétt