Olaf Scholz, kanslari Þýskalands, sagði við Xi Jinping, forseta Kína, að hann vilji að kínversk stjórnvöld beiti „áhrifum” sínum gagnvart Rússum til að stöðva stríðið í Úkraínu.
„Ég sagði forsetanum að það er mikilvægt að Kína beiti áhrifum sínum gagnvart Rússum,” sagði Scholz að loknum fundi leiðtoganna tveggja í Kína.
„Rússar verða þegar í stað að stöðva árásir sínar sem almennir borgarar hafa þurft að þola daglega og þeir þurfa að draga sig til baka frá Úkraínu,” bætti hann við.
Hann sagði að Rússland, Kína og vesturlönd hafi ákveðið að virða sáttmála Sameinuðu þjóðanna og „meginreglur á borð við fullveldi og heiðarleika varðandi landsvæði”, en Rússar hafi brotið sáttmálana með innrás sinni í Úkraínu.
Scholz hvatti jafnframt Vladimír Pútín Rússlandsforseta til að framlengja samning um að leyfa flutning á korni til Úkraínu í gegnum Svartahaf.
„Það gengur ekki að nota hungur sem vopn,” sagði kanslarinn.
Flutningur á korni hófst á nýjan leik í gær eftir að Rússar ákváðu að virða samning þess efnis eftir alþjóðlegan þrýsting.