Svíar beygja sig undir kröfur Erdogan
Setja bókamerki
Sænska ríkisstjórnin hyggst slíta öll tengsl við varnarsveitir Kúrda YPG og Lýðræðisbandalagið PYD, sem er stjórnmálafylking Kúrda í Sýrlandi. Er þetta gert til þess að treysta sambandið við Tyrkland.
Varnarsveitirnar hafa barist við hlið hers Atlantshafsbandalagsins, gegn hryðjuverkasamtökunum ISIS í Sýrlandi. Hafa Svíar hingað til stutt við þær og Lýðræðisbandalagið.
Tyrkir hafa ekki viljað samþykkja aðildarumsókn Svía og Finna að Atlantshafsbandalaginu, NATO og þannig staðið í vegi aðildar þeirra, þar sem samþykki allra aðildarríkja þarf til að innganga sé samþykkt.
Of náin tengsl
Innan fárra daga munu Ulf Kristersson, forsætisráðherra Svíþjóðar, ganga til fundar við Recep Tayyip Erdogan, forseta Tyrklands, að því er fram kemur í frétt sænska ríkisútvarpsins.
Utanríkisráðherra Svíþjóðar, Tobias Billström, segir of náin tengsl milli varnarsveitanna og vopnaðra sveita kúrdíska verkamannaflokksins, PKK. Þær sveitir eru á lista Evrópusambandsins yfir hryðjuverkasamtök.
Tyrkneska ríkisstjórnin álítur YPG og PYD einnig hryðjuverkasamtök. Billström segir Svíþjóð ekki vilja skaða samband sitt við Tyrki með því að halda stuðningnum áfram.
Telur forsendur fyrir vaxtalækkun
Kostnaður meiri en milljón á fermetra
Æskuvinur Íslendings myrtur í Noregi
Handteknir eftir myndatöku í Vesturbæjarlaug
Veiting hvalveiðileyfis ekki brot á EES-samningi
Skiptir miklu meira máli en fólk grunar
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“