Bretar munu fá almennan frídag vegna krýningar Karls III í maí, nánar tiltekið mánudaginn 8. maí, en krýningin sjálf fer fram þann 6. maí við hátíðlega athöfn í Westminster Abbey.

Frétt af mbl.is

Karl krýndur í maí

Þegar krýningin fer fram verða átta mánuðir liðnir fá andláti Elísabetar II. Athöfninni er ætlað að endurspegla sögu konungdæmisins, hefðir þess og stöðu þess í nútímasamfélagi, að því er fram kemur í yfirlýsingu frá bresku hirðinni. 

Karl tók við konungsembættinu strax við fráfall Elísabetar, en venjan er að krýning fari ekki fram fyrr en að liðnum nokkrum mánuðum, svo landsmenn fái tíma til að syrgja, og hirðin fái tíma til að skipuleggja. 

Sjötíu ár verða liðin frá því að krýningarathöfn fór síðast fram, en það var krýning Elísabetar árið 1953. 

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt