Segja Kerson enn hluta af Rússlandi
Setja bókamerki
Rússnesk stjórnvöld segja að borgin Kerson í suðurhluta Úkraínu sé enn hluti af Rússlandi jafnvel þótt Rússar hafi tilkynnt að hersveitir þeirra væru að hörfa þaðan vegna framgangs Úkraínumanna.
„Þetta er hluti af rússneska ríkinu. Engar breytingar hafa orðið á þessu og það verða engar breytingar,“ sagði Dimitrí Peskov, talsmaður Kremlar, við blaðamenn.
Aðspurður neitaði Peskov því að Rússar sæju eftir því að hafa innlimað Kerson-hérað.
Fyrr í vikunni fyrirskipaði varnarmálaráðherra Rússlands hersveitum landsins að hörfa frá Kerson.
Kerson er eina héraðshöfuðborgin sem Rússar hafa haft á sínu valdi síðan þeir réðust inn í Úkraínu í febrúar.
Fyrir rúmum mánuði síðan undirritaði Vladimír Pútín Rússlandsforseti löggjöf um innlimun fjögurra úkraínskra héraða í Rússland, þar á meðal Kerson, þar sem samnefnd borg er staðsett. Lögin voru undirrituð á sama tíma og úkraínskar hersveitir sóttu hart fram í Kerson.
Eyjafjarðarbraut lokað vegna alvarlegs umferðarslyss
Tveir í bílnum sem lenti utan vegar
„Hvílir mikil leynd yfir þessu öllu“
Skar höfuðleðrið af íslenskri konu
Shakespeare fannst í skókassa
Skemmtiferðaskip hætt komið nærri Viðey
Banna mengandi búnað sem leyfður er á Íslandi