Úkraínsk stjórnvöld hafa beðið um að fá aðgang að staðnum þar sem sprengingin varð í pólsku þorpi í gærkvöldi. Vestrænir embættismenn telja að úkraínskt loftvarnakerfi hafi valdið sprengingunni, sem varð tveimur að bana.
„Úkraína biður um að fá aðgang þegar í stað að staðnum þar sem sprengingin varð,“ sagði framkvæmdastjóri þjóðaröryggis- og varnarráðs Úkraínu, Oleksí Danilov, á Twitter.
Hann bætti við að Úkraínumenn væru tilbúnir til að láta af hendi „sönnunargögn“ varðandi ásakanir gegn Rússlandi.
Ukraine requests immediate access to the site of the explosion for representatives of @DefenceU and @DPSU_ua.
— Oleksiy Danilov (@OleksiyDanilov) November 16, 2022