Lula tekinn við í Brasilíu

Luiz Inacio Lula da Silva tók formlega við embætti forseta Brasilíu í dag og hét því að endurreisa landið í samvinnu við þjóðina. Sigraði hann forvera sinn, Jair Bolsonaro, í forsetakosningum í október síðastliðnum.

Í innsetningarræðu sinni lofaði Lula, sem er vinstrisinnaður, umbótum fyrir fátæka samfélagið í Brasilíu, umbótum í jafnréttismálum og lýsti yfir markmiðum um að hætt verði að fella tré í Amazon-skógi.

Bolsonaro hvergi sjáanlegur

Bolsonaro var ekki viðstaddur athöfnina enda yfirgaf hann Brasilíu á föstudaginn var.

Fjöldi stuðningsmanna Lula mætti fyrir framan brasilíska þingið snemma í morgun og var rauður litur Verkamannaflokks Lula þar allsráðandi.

Lula og Geraldo Elckmin, tilvonandi forsætisráðherra, keyrðu um borgina í blæjubíl áður en þeir héldu á öldungaþingdeild Brasilíu hvar innsetningarathöfnin hófst.