Gangast við sprengjuárásinni

Hryðjuverkasamtök sem kenna sig við íslamskt ríki hafa lýst sprengjuárásinni á hendur sér, sem var gerð nærri utanríkisráðuneyti Afganistan í höfuðborginni Kabúl í dag.

Einn úr samtökunum komst framhjá öryggisvörðum talíbana og sprengdi sig í loft upp fyrir framan öryggisverði og starfslið ráðuneytisins, að því er fram kemur í tilkynningu frá samtökunum.

Frétt af mbl.is

Sprengjuárás nærri utanríkisráðuneyti Afganistans

AFP

Talíbanar segja 20 hafa látist

Sprengingin varð nærri utanríkisráðuneytinu og létust að minnsta kosti fimm að sögn lögreglu í Afganistan. Embættismaður úr upplýsingaráðuneyti talíbana segir þó að 20 manns hafi fallið í árásinni.

Er þetta önnur sprengjuárásin í Kabúl frá áramótum en á nýársdag var gerð mannskæð sprengjuárás nærri herflugvellinum.

Frétt af mbl.is

Sprenging við herflugvöll í Kabúl

• Blogga um frétt