Fyrirtæki Trumps sektað um 229 milljónir
Setja bókamerki
Dómari í New York sektaði fjölskyldufyrirtæki Donalds Trumps, fyrrverandi forseta Bandaríkjanna, um 1,6 milljónir Bandaríkjadala, eða tæpar 229 milljónir íslenskra króna, fyrir skattsvik í dag. Fyrirtækin sviku pening undan skatti í mörg ár með því að falsa viðskiptaskrár.
Í síðasta mánuði voru Trump Corporation og Trump Payroll Corp., sem tilheyra Trump Organization, sakfelld fyrir skattalagabrot af hæstarétti New York-ríkis, en þau ráku svikastarfsemi í þrettán ár.
Fjármálastjórinn fyrrverandi játaði
Allen Weisselberg, fyrrverandi fjármálastjóri Trump Organization, var dæmdur í fimm mánaða fangelsi á þriðjudaginn og féllst á að greiða tvær milljónir dollara, eða tæplega 286 milljónir íslenskra króna, í sekt fyrir þátt sinn í svindlinu. Weisselberg játaði fimmtán skattalagabrot fyrir dómi og bar einnig vitni gegn fyrirtækinu í málinu.
Þrátt fyrir að fyrrverandi forsetinn sjálfur var ekki sakfelldur í málinu, heldur fyrirtæki hans, má ætla að niðurstaða dómsins kunni að koma á hann höggi, þar sem hann hefur gefið út að hann ætli aftur að gefa kost á sér til forseta Bandaríkjanna.
Árshátíð ríkislögreglustjóra haldin í Tékklandi
Kostnaður meiri en milljón á fermetra
Sex hafa greinst með listeríu
Krefjast stöðvunar framkvæmda
Shakespeare fannst í skókassa
Tveir í bílnum sem lenti utan vegar
„Hvílir mikil leynd yfir þessu öllu“