Bandaríkin hafi komið í veg fyrir kjarnorkustríð

Mike Pompeo, fyrrverandi utanríkisráðherra Bandaríkjanna, skrifaði í nýrri bók að Indland og Pakistan hafi verið nálægt því að fara í kjarnorkustríð árið 2019 og að Bandaríkin hafi komið í veg fyrir auknar deilur á milli landanna.

„Ég held að heimurinn viti ekki almennilega hversu deilur Indland og Pakistan voru nálægt því að færast út í kjarnorkustríð í febrúar 2019,“ skrifaði Pompeo í Never Give an Inch.

Í bókinni minnist hann þess er hann starfaði sem utanríkisráðherra þegar Donald Trump var forseti og er hann starfaði áður sem yfirmaður bandarísku leyniþjónustunnar, CIA.

Frétt af mbl.is

Gerðu loftárás yfir landamæri Pakistans

Engin önnur þjóð hefði getað þetta

Í febrúar árið 2019 gerðu Indverjar loftárásir á pakistanskt landsvæði eftir að hafa kennt herskáum hópi þar í landi um sjálfsvígsárás sem varð 41 indverskum hermanni að bana í Kasmír-héraði. Pakistanar skutu í framhaldinu niður indverska herflugvél og handtóku flugmanninn.

„Engin önnur þjóð hefði getað gert það sem við gerðum til að koma í veg fyrir hræðilega útkomu,“ skrifaði Pompeo.

• Blogga um frétt