Rússneska varnarmálaráðuneytið fullyrti í tilkynningu sem það sendi frá sér í dag að Úkraínumenn hefðu varpað sprengju á spítala í austurhluta Lugansk.
Í tilkynningunni er fullyrt að fjórtán hafi látist og tuttugu og fjórir til viðbótar séu særðir.
„Á laugardagsmorguninn skaut úkraínski herinn flugskeytum meðvitað á spítala í bænum Novoaidar,“ segir í tilkynningunni og þar er jafnframt sagt að fórnarlömbin væru bæði sjúklingar sem og starfsfólk á spítalanum.