Öfgafyllra veðurfar vegna hlýnunar jarðar gæti kostað Þýskaland næstum eina billjón evra fyrir árið 2050, samkvæmt niðurstöðum nýrrar skýrslu sem ríkisstjórn landsins óskaði eftir.

Afleiðingar hækkandi hitastigs jarðar, þar á meðal mikil flóð eða mikill hiti, gætu kostað þetta stærsta hagkerfi Evrópu allt að 910 milljarða evra.

Talan er „mat í lægri kantinum“, að sögn efnahagsráðuneytis Þýskalands, þar sem líkanið sem notast var við gat ekki tekið með í reikninginn öll möguleg áhrif loftslagsbreytinga.

Viðbótardauðsföll, verri lífsskilyrði og útdauði dýrategunda og planta voru ekki með í matinu, „þrátt fyrir mikilvægið“, að sögn ráðuneytisins. Þess vegna er búist við því að kostnaðurinn vegna hlýnunar jarðar verði „umtalsvert hærri“ í landinu. 

Tengdar fréttir

Loftslagsvá

Frítt í strætó fyrir viðskiptavini Krónunnar

• „Þeir hafa ekki alveg verið að standa við sitt“
• Stórt svæði orðið eldi að bráð
• Thunberg: „Aðeins byrjunin“
• Svissneska ríkið sakfellt í loftslagsmáli

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Veður-Grýlan og manngæskuheimska