Twitter-deila Haraldar Þorleifssonar og Elon Musk, forstjóra Twitter, heldur áfram eftir að Musk svaraði Haraldi heldur kuldalega fyrr í dag, þar sem hann m.a. efaðist um hans vinnuframlag og heilsufar.

Frétt af mbl.is

Musk hreytir ónotum í Harald

Í nýjum þræði gefur Haraldur sér tíma til að útskýra fyrir Musk að hann sé með vöðvarýrnunarsjúkdóm og með hvaða hætti sjúkdómurinn hefur áhrif á hans líf. Haraldur tekur einnig fram að hann eigi frábæra fjölskyldu sem hann njóti lífsins með. 

Þá fer hann á stökki yfir sinn starfsferil, eða frá því hann stofnaði stafræna hönnunarfyrirtækið Ueno fyrir níu árum. Hann segist hafa lagt mikla vinnu í að byggja fyrirtækið upp sem skilaði árangri þannig að fyrirtækið dafnaði og stækkaði. Eftir sjö ára þrotlausa vinnu ákvað hann svo að selja fyrirtækið og ganga til liðs við Twitter. 

„Ég kom þegar fyrirtækið [Twitter] var að vaxa hratt. Þú gerðir eiginlega hið gagnstæða. Það var margt í gangi. Fyrirtækið glímdi við ýmiskonar vandamál, en aftur á móti, það á við flest stærri fyrirtæki. Og jafnvel lítil fyrirtæki, eins og Twitter er í dag,“ skrifar Haraldur og skýtur fast á Musk. 

Haraldur vonar að þessar upplýsingar séu fullnægjandi og spyr Musk að lokum hvort hann muni ekki láta sig vita hvort hann ætli að borga ógreidd laun. 

Tengdar fréttir

Musk og Haraldur deila á Twitter

Haraldur hættur hjá Twitter

• Ljósleiðarinn verði einkavæddur að hluta
• Tvær milljónir séð tónlistarmyndband Haraldar
• Óvænt útspil frá Haraldi
• Varar fylgjendur sína við

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Musk oft ólíkindatól og mistækur og líkt ogHenry Ford var.